Q. Ennius, Annales, vv. 196-203              testo · commento     English text text · comment

Nec mi aurum posco nec mi pretium dederitis,
nec cauponantes bellum sed belligerantes,
ferro, non auro, vitam cernamus utrique.
Vosne velit an me regnare era, quidve ferat Fors,
virtute experiamur. Et hoc simul accipe dictum:
quorum virtuti belli Fortuna pepercit,
eorundem libertati me parcere certum est.
Dono ducite doque volentibus cum magnis dis.